عێراق.. ژمارەی قوربانییانی هاووڵاتی 56% کەمبووەتەوە


چه‌ند سه‌رچاوه‌یه‌كی وه‌زاره‌ته‌كانی ناوخۆ، به‌رگریی، ته‌ندروستی حكومه‌تی عێراقی فیدراڵ ئاشكرایانكرد له ‌مانگی كانونی دووه‌می رابردوودا 196 عێراقی كوژراون كه‌ 135یان مه‌ده‌نی بوون.
به‌گوێره‌ی سه‌رچاوه‌یه‌كی تر ژماره‌ی قوربانیانی مه‌ده‌نی به‌به‌راورد به‌ مانگی كانونی  یه‌كه‌می رابردوو له‌ (56%) كه‌میكردووه كه‌ ژماره‌ی قوربانیانی عێراقی به‌هۆی په‌لاماره‌ تێرۆریستیه‌كانه‌وه‌ له‌و مانگه‌دا 306 كه‌س بوون.
به ‌وته‌ی سه‌رچاوه‌كانی ئه‌و سێ وه‌زاره‌ته‌ی حكومه‌تی فیدرالی عێراق له ‌مانگی كانوونی دووه‌مدا 135 مه‌ده‌نی و 20 سه‌ربازو 41 ئه‌ندامی هێزه‌كانی پۆلیس بونه‌ته‌ قوربانی.
هه‌ر له‌هه‌مان مانگیشدا 782 كه‌س برینداربوون كه 620 یان مه‌ده‌نی بوون.
سه‌باره‌ت به ‌زیانه‌كانی سوپای ئه‌مریكا له‌ عێراق له‌ مانگی رابردوودا سه‌رچاوه‌یه‌كی تر رایگه‌یاند ته‌نیا دوو سه‌ربازی ئه‌مریكی كوژراون‌و سیانی تریش به‌هۆكاری جیاواز گیانیان له‌ده‌ستداوه‌.