ڤارى ئه‌لبوومه‌كه‌ی به‌خشییه‌ مندالان ‌



به‌شی مندالانی خاك یه‌كه‌م كۆنسێرتی گۆرانی و نمایشكردنی كلیپی بۆ ڤاری ستار-ی ته‌مه‌ن (5) ساڵه‌ ئه‌نجامدا.
له‌م كۆنسێرته‌دا كه‌ئێواره‌ى رۆژی (1/2/2010) له‌هۆلى ته‌وارى شارى سلێمانى به‌ڕێوه‌چوو، سه‌ره‌تا ڤاری  له‌دووتوێى سیدییه‌كى قه‌شه‌نگدا به‌رهه‌مه‌كانى خۆى  به‌سه‌رمندالانى ئاماده‌بوودا دابه‌شكرد، كه‌ له‌(5) تراك به‌ناوه‌كانی (یارى، نه‌ورۆز، به‌به‌..به‌به‌، بوكه‌ خنجه‌، ژیره‌ ژیره‌) پێكهاتبوو.
دوای ته‌واو بوونی كۆنسێرته‌كه‌ی، ڤاری بۆ كوردستانی نوێ خۆشحاڵی خۆی به‌ئاماده‌بوونی ئه‌و مندالانه‌ ده‌ربڕی كه‌ له‌كۆنسێرته‌كه‌یدا ئاماده‌بوون.
له‌وته‌یه‌كیشدا باوكى ڤارى وتى: هه‌ستمكرد كچه‌كه‌م  ده‌نگى خۆشه‌و توانایه‌كى تێدایه‌، بۆیه‌ له‌گه‌ڵ دایكیدا زۆر هاوكاریمان كرد تابوو به‌(5) به‌رهه‌م،  كه‌زۆربه‌یان به‌رهه‌می خاكن و یه‌كێك له‌گۆرانییه‌كانیش به‌رهه‌مى ته‌له‌فزیۆنى په‌روه‌رده‌ییه‌و له‌گه‌ڵ باخچه‌ى هۆگر تۆماریكردووه‌.