سڤیل: زانا دڵشاد دزەیی- هونەرمەند تارا رەسوڵ رایگەیاند لەرۆژی جیهانی خۆشەویستی، لەماڵەكەی خۆیدا لەوڵاتی سوید دزی لێكراوە و تائێستاش نەزانراوە كێ ئەو دزییەی لێ كردووە، "لەجیاتی ئەوەی لەرۆژی عاشقان گوڵم بۆ بهێنن، ماڵەكەیان دزیم". رۆژی 14/2/2010 دزی لە ماڵی هونەرمەند تارا رەسوڵ دەكرێت، لەوبارەیەوە تارا بە (سڤیل)ی راگەیاند، لەرۆژی عاشقاندا لەجیاتی پێدانی گوڵ و هەواڵی دڵخۆشكەر، دەرگای ماڵەكەیان شكاندووە و دزیان لێی كردووە، گوتی "بەداخەوە ئەو رۆژەی دزیم لێكرا، رۆژی عاشقان بوو، لەجیاتی ئەوەی گوڵم بۆ بێنن، كەچی لەو رۆژەدا سەعاتی 12ی شەو گەڕامەوە ماڵ، بینیم دەرگای ماڵەكەمیان شكاندووە و دزیان لێ كردووم"، تارا رەسووڵ ئەوەشی رایگەیاند، تائێستا بۆی ئاشكرا نەبووە ئەو دزییە چۆن كراوە و چی لێ درزاوە، وەك خۆشی ئاماژەی بۆ كرد، لەبەرئەوەی كێشەی لەگەڵ كەس نییە، گومانی كەسیش ناكات، گوتی "لەوڵاتی سوید كە دزیت لێ دەكرێ، خاوەن ماڵ بۆی نییە بچێتە ژوورەوە تاپۆلیس دێت، لەبەرئەوە تائێستا نازانم ئەوەی لێیان دزیوومە چییە، تاپۆلیس كاری خۆی تەواو دەكات.

ئه‌م هه‌واڵه‌ له‌ گۆڤاری سڤیل وه‌رگیراوه‌